Die kerk is midde in ’n oorlog

Daar is niks wat soveel onsekerheid en twyfelvrae bring as ’n oorlog nie. Die kerk is midde in ’n oorlog en sal deeglik daarvan moet kennis neem - die oorlog van Satan teen Jesus en sy bruid.

Oorlog kom dikwels in die Bybel voor. Op enkele uitsonderings na is die voorkomste daarvan in die Nuwe Testament almal in Openbaring. Daar kry ek die titel van hierdie boek: Die Oorlog van die Woedende Draak teen die Vrou (later meer daaroor).

Die doel van hierdie boek is om die terrein waar hierdie oorlog hom gaan afspeel te verken, die verloop daarvan te evalueer en die bruid daarvoor beter te help voorberei.